સફાઈ કર્મચારી બની સરકારી અધિકારી

સફાઈ કર્મચારી બની સરકારી અધિકારી:લગ્નના 5 વર્ષ બાદ પતિએ છોડી, 2 બાળકોની જવાબદારી ઉપાડતાં ઉપડતાં અભ્યાસ પૂર્ણ કર્યો; 2 વર્ષ સુધી રસ્તા પર ઝાડું પણ માર્યું.

RAS-2018 (રાજસ્થાન પ્રશાસનિક સેવા)માં મહેનત અને લગનના જોરે નાના ગામડાંના લોકોએ પણ પોતાના નામના પરચમ લહેરાવ્યા છે. જીવનમાં આવતી પરેશાનીઓને પડકાર તરીકે જોઈ અને પોતાની યોગ્યતા પુરવાર કરી. આ અભ્યર્થિઓમાં એક છે આશા કંડારા. નગર નિગમમાં કાર્યરત આશાએ રસ્તાઓ પર ઝાડું લગાવ્યું, 2 બાળકોની સારસંભાળા કરી, અને આટલી જવાબદારી વચ્ચે પણ તેને મન લગાવીને અભ્યાસ કર્યો. તેનું ફળ પણ તેને મળ્યું. આશાની પસંદગી RAS-2018માં થઈ છે. બીજી વાત એક દ્રષ્ટિહીનની છે જેને એક્ઝામ આપવા માટે લાંબી કાયદાકીય લડાઈ લડી, જે બાદ તેને સફળતા મળી છે.

ન હારી હિંમત

પહેલી વાત છે જોધપુરના રસ્તાઓ પર ઝાડું લગાડનારી નિગમ કર્મચારી આશા કંડારાની. 8 વર્ષ પહેલાં પતિના સાથે અણબનાવ બાદ બે બાળકોના ભરણ પોષણની જવાબદારી ભજવતા આશાએ પહેલાં ગ્રેજ્યુએશન કર્યું. હવે RAS પણ ક્લિયર કર્યું છે. પરીક્ષાના 12 દિવસ પછી જ તેની પસંદગી સફાઈ કર્મચારી તરીકે થઈ હતી. જો કે પરિણામ માટે બે વર્ષ રાહ જોવી પડી. આ દરમિયાન તેને રસ્તાઓ પર ઝાડું લગાવ્યું, પરંતુ હિંમત હારી ન હતી.

લગ્નના 5 વર્ષ પછી જ પતિએ છોડી

આશાને નક્કી કરી લીધું છે કે અધિકારી જ બનવું છે. ભલે જ તેના માટે ગમે તેટલી મહેનત જ કેમ ન કરવી પડે. આશા કહે છે કે પરીક્ષા આપ્યા બાદ તેને વિશ્વાસ હતો કે તેની પસંદગી જરૂરથી થશે. આશા જણાવે છે કે 1997માં તેના લગ્ન થયા. 5 વર્ષ પછી પતિએ છોડી દીધી. પિતા રાજેન્દ્ર કંડારા એકાઉન્ટન્ટની સેવાથી રિટાયર થઈ ગયા હતા. એવામાં તેઓએ પતિથી અલગ થઈને કંઈક ખાસ કરવાનું નક્કી કરી લીધું હતું. મુશ્કેલ પરિસ્થિતિમાં મહેનત કરીને 2016માં ગ્રેજ્યુએશન કર્યું.


ગ્રેજ્યુએશન પછી તલાક

ગ્રેજ્યુએશન કર્યા બાદ એક વર્ષ પછી આશાના તલાક થઈ ગયા. વિપરીત પરિસ્થિતિઓ હોવા છતા પણ 2018માં સફાઈ કર્મચારી ભરતીની પરીક્ષા આપી. આ સાથે જ RAS પ્રી-પરીક્ષાની તૈયારી માટે દિવસ-રાત અભ્યાસ કર્યો. ઓનલાઈન અભ્યાસની સાથે કોચિંગ ક્લાસ પણ કર્યા. ઓગસ્ટમાં પ્રી-પરીક્ષા આપી. ઓક્ટોબરમાં રિઝલ્ટ આવ્યું તો પાસ થતાં જ RAS મેન્સની તૈયારીઓમાં લાગી ગઈ.

આ વચ્ચે સફાઈ કર્મચારીના પદ પર નિયુક્તિનો પત્ર આવી ગયો તો તે નોકરી જોઈન કરી લીધી. આશાને પાવટાના મુખ્ય માર્ગ પર સફાઈ માટે કામે લગાડવામાં આવી. મુખ્ય માર્ગ પર ઝાડું લગાડવામાં પણ તેને કોઈ શરમ ન અનુભવી. જ્યારે મંગળવારે RASમાં પસંદગી થઈ તો તેની ખુશીનું ઠેકાણું ન રહ્યું.

For Best View Please Open This Website In CHROME / OPERA Browser