ગુજરાતમાં રસીકરણ અંગે સરકારે લીધો મોટો નિર્ણય, આ જિલ્લાઓમાં પણ મળશે વેક્સિન

• કોર કમિટિની બેઠકમાં યુવાનોના વેક્સિનેશન મુદ્દે મહત્વનો નિર્ણય
• રાજ્યમાં પુરજોશથી વેક્સિનેશનની આવતીકાલથી કામગીરી
• રાજ્યના તમામ જિલ્લાના 1200 કેન્દ્ર પર વેક્સિનેશનની કામગીરી થશે 

ગુજરાતના તમામ જિલ્લાઓમાં આવતીકાલથી રસીકરણનો કાર્યક્રમ શરૂ કરાશે. રાજ્યના તમામ જિલ્લાના 1200 કેન્દ્રો પર વેક્સિનેશનનું કામ શરૂ કરાશે. કોર કમિટીની બેઠકમાં યુવાનોના વેક્સિનેશન મુદ્દે મહત્વનો નિર્ણય કરાયો છે. રાજ્યમાં પુરજોશથી વેક્સિનેશનની આવતીકાલથી કામગીરી શરૂ થઈ જશે. 18થી 45 વર્ષના યુવાનોને તમામ જિલ્લામાં વેક્સિન મળશે. અત્યાર સુધી 10 શહેરોમાં યુવાનોને વેક્સિન મળતી હતી. અત્યાર સુધી 18 લાખ યુવાનોને વેક્સિન અપાઈ છે. રજિસ્ટ્રેશન આધારે સવા 2 લાખ યુવાનોને વેક્સિન મળશે. 45 વર્ષથી વધુ ઉંમરના 60થી 75 હજાર નાગરિકોને વેક્સિન મળશે. લગભગ 3 લાખ લોકોનું ગુજરાતમાં દરરોજ વેક્સિનેશન થવાની વાત મુખ્યમંત્રીએ કરી છે. 

ગુજરાતમાં કોરોનાની સ્થિતિ (છેલ્લા 24 કલાકના આંકડા)

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 1,207 નવા કેસ નોંધાયા છે, તો 17 લોકોના સંક્રમણના કારણે મોત નિપજ્યા છે. આજે ફરી એક વખત ગુજરાતમાં, કોરોનાની બીજી લહેરમાં કોરોનાના કેસ કરતા આજે સાજા થનારનો આંકડો વધુ છે. જો કે, ગઈકાલ કરતા મોતની સંખ્યામાં વધારો થયો છે.

Source link