ગુજરાતમાં કોરોનાના નવા કેસ ઘટીને 200 નીચે જ્યારે સંક્રમણથી 4 લોકોની છેલ્લી 24 કલાકમાં મોત

posted on JUNE 20, 2021at 8:09 PM

• ગુજરાતમાં ઘટ્યું કોરોના સંક્રમણ
• ગત 24 કલાકમાં કોરોનાના 185 નવા કેસ નોંધાયા 
• આજે ગુજરાતમાં 651 દર્દીઓ સાજા 

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 185 નવા કેસ નોંધાયા છે, તો 4 લોકોના સંક્રમણના કારણે મોત નિપજ્યા છે. આજે ફરી એક વખત ગુજરાતમાં, કોરોનાની બીજી લહેરમાં કોરોનાના કેસ કરતા આજેપણ સાજા થનારનો આંકડો વધુ છે. 

છેલ્લા 24 કલાકમાં 4 દર્દીઓના મોત અને સાજા થનારનો આંકડો રાહત આપનારો

ઉલ્લેખનીય છે કે, ગુજરાતમાં અત્યાર સુધીમાં 10,032 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ઘટાડો જોવા મળ્યો છે. જો કે, નવા કેસની સામે આજે ગુજરાતમાં 651 દર્દીઓ સાજા થયાં છે. આ સાથે જ અત્યાર સુધીમાં 8,06,193 દર્દીઓ કોરોના મુક્ત થયાં છે. આમ આજે કેસ પણ ઘટ્યા અને સાજા થનારનો આંકડો રાહત આપનારો છે. રાજ્યમાં હાલ 142 લોકો વેન્ટિલેટર પર છે. એક્ટિવ કેસનો આંકડો 6109 પર પહોંચ્યો છે. આમ દિવસેને દિવસે એક્ટિવ કેસના આંકમાં પણ ઘટાડો નોંધાઈ રહ્યો છે. 

અત્યાર સુધીમાં 2,20,68,302 લોકોને અપાઇ રસી 

સારા સમાચાર એ છે કે, અત્યાર સુધીમાં 2,20,68,302 લોકોનું કુલ રસીકરણ થઈ ગયું છે. તો આજે 1,96,382 લોકોને વેક્સિન આપવામાં આવી છે.

સુરત અને અમદાવાદમાં કોરોના સંક્રમણ ઘટ્યું 

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં આજે કોરોનાના 38 કેસ તો અમદાવાદ ગ્રામ્યમાં 0 કેસ નોંધાયા છે. જ્યારે સુરત શહેરમાં 38 નવા કેસ, જ્યારે સુરત ગ્રામ્યમાં 13 કેસ નોંધાયા છે. વડોદરા શહેરમાં આજે 11 કેસ, જ્યારે ગ્રામ્યમાં 10 કેસ નોંધાયા. રાજકોટ શહેરમાં 8 કેસ અને ગ્રામ્યમાં 2 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત….

કોરોનાની ત્રીજી લહેર 6-7 સપ્તાહમાં આવી શકે છે, AIIMSનાં ડિરેક્ટરની ચેતવણી

નવી દિલ્હી,19 જુન 2021 શનિવાર

કોરોનાની ત્રીજી લહેર ક્યારે આવશે, તે અંગે એઇમ્સનાં ડિરેક્ટર રણદીપ ગુલેરિયાએ એક મહત્વની વાત કરી છે, એઇમ્સનાં ડિરેક્ટર રણદીપ ગુલેરિયાએ શનિવારે જણાવ્યું  કે આગામી 6-7 સપ્તાહમાં કોરોનાની ત્રીજી લહેર આવી શકે છે, તેમણે લોકોને ચેતવતા કહ્યું કે માસ્ક અને સોશિયલ ડિસ્ટન્સિગ જેવી જરૂરી લાઇડલાઇનનું પાલન નહીં, કરાય તો પરિસ્થિતી વિકટ બની શકે છે,

ગુલેરિયાએ કહ્યું કે કોરોનાનાં કેસ વધવાથી સર્વિલાન્સ અને જે વિસ્તારમાં કેસ વધે છે, તેની ઓળખ કરીને ત્યાં લોકડાઉન લગાવવાની જરૂર પડી શકે છે, રણદીપ ગુલેરિયા જણાવ્યું કે 'જો કોરોના ગાઇડલાઇનનું પાલન ન કરાયું તો ત્રીજી લહેર આગામી 6-7 સપ્તાહમાં આવી શકે છે, અત્યારે જરૂરી છે કે રસીકરણ થાય ત્યા સુધી આપણે આક્રમક રીતે આપણી જંગ ચાલુ રાખીએ.'    

એઇમ્સનાં ડિરેક્ટરએ કહ્યું કે જો કોઇ વિસ્તારમાં કોરોના સંક્રમણનો દર 5 ટકાથી ઉપર જાય છે, તો ત્યાં લોકડાઉન લગાવવા અથવા તે વિસ્તારને કેન્ટોન્મેન્ટ ઝોન ઘોષિત કરવા માટે જરૂરી પગલા લેવા જોઇએ, એઇમ્સનાં ડિરેક્ટરે કહ્યું  કે આર્થિક પ્રવૃતિને ધ્યાનમાં રાખીને કોરોનાની કોઇ પણ લહેરનાં સામના માટે સમગ્ર દેશમાં લોકડાઉન લગાવવું તે કોઇ ઉપાય નથી.

Source :- Gujarat samachar