બંગાળ ચૂંટણી / બંગાળમાં ટીએમસીની ભવ્ય જીત પર પ્રધાનમંત્રીએ પાઠવ્યાં અભિનંદન, મમતાને આપી આ મદદની ખાતરી

posted on MAY 2, 2021at 8:11 PM

• પ્રધાનમંત્રી મોદીએ મમતાને પાઠવ્યાં જીતના અભિનંદન
• કોરોના સામેના જંગમાં કેન્દ્ર સરકાર તમામ મદદ કરશે-મોદી
•  બંગાળના મારા ભાઈઓ અને બહેનોનો આભાર-પીએમ મોદી 

પ્રધાનમંત્રીએ ટ્વિટ કરીને કહ્યું કે કેન્દ્ર સરકાર પશ્ચિમ બંગાળના લોકોની આકાંક્ષાઓને પૂરી કરવા તથા કોરોના મહામારીમાંથી બેઠા થવા શક્ય હર સંભવ મદદ અને સમર્થન આપવાનું ચાલુ રાખશે.

પ્રધાનમંત્રીએ ટ્વિટ કરીને જણાવ્યું કે અમારી પાર્ટી પર આશીર્વાદ વરસાવનાર બંગાળના મારા ભાઈઓ અને બહેનોનો આભાર માનું છું. મમતા દીદીને બંગાળની જીત બદલ અભિનંદન. કેન્દ્ર સરકાર કોરોના સામેના જંગમાં બંગાળ સરકારને તમામ સહાય કરશે. 

મતોની ગણતરી દરમિયાન નંદીગ્રામ સીટ પર મમતા બેનર્જી અને શુભેન્દુ અધિકારીઓ વચ્ચે કાંટે કી ટક્કર ચાલી હતી. મતગણતરી દરમિયાન, કેટલીકવાર બેનર્જી આગળ જતા હતા તો કયારેક અધિકારી, પરંતુ મતગણતરીના અંતિમ રાઉન્ડમાં, પાસા પલટાયા અને પશ્ચિમ બંગાળના મુખ્ય પ્રધાનને નંદિગ્રામ સીટનો ભોગ બનવું પડ્યું.

મહત્વનું છે કે આ પહેલા એવી જાણકારી પણ સામે આવી હતી કે મમતા બેનરજીએ નંદીગ્રામ જીતી લીધું છે, અને ભાજપના શુભેન્દુ અધિકારીને હરાવી 1200 જેટલા મતોના અંતરથી હારનો સામનો કરવો પડ્યો છે, જો કે થોડા સમય પછી આ ચિત્ર બદલાયું હતું અને જાણકારી સામે આવી હતી કે બંગાળની આ સૌથી ધ્યાન ખેંચનારી લડાઈમાં ભાજપના અધિકારીએ બોલેલું પાળી બતાવ્યું છે, અને મમતા બેનરજીએ હારનો સામનો કરવો પડ્યો છે. 

ગુજરાતના ગામડાઓને કોરોનાથી બચાવવા ‘મારુ ગામ કોરોના મુક્ત ગામ’ અભિયાન શરૂ

ગાંધીનગર: ગુજરાતમાં જીવલેણ કોરોના વાઈરસની (Corona Virus) બીજી લહેર તબાહી મચાવી રહી છે. બીજી લહેરમાં શહેરો સાથે નાના-નાના ગામડાઓમાં પણ કોરોના વાઈરસનું સંક્રમણ ઝડપથી ફેલાઈ રહ્યું છે. એવામાં રાજ્ય સરકાર દ્વારા ગુજરાતના ગામડાઓને કોરોના સંક્રમણથી બચાવવા માટે “મારુ ગામ કોરોના મુક્ત ગામ” અભિયાનની શરૂઆત કરી છે.




“મારુ ગામ કોરોના મુક્ત ગામ” અંતર્ગત રાજ્યના મુખ્યમંત્રી વિજય રૂપાણીએ CM ડેશબોર્ડના માધ્યમથી વિવિધ ગામોના સરપંચો સાથે સંવાદ કર્યો હતો. જેમાં કોરોના સંક્રમણને ફેલાતુ અટકાવવાના પ્રયાસો પર ચર્ચા કરવામાં આવી હતી. આ સાથે જ લોકોને માસ્ક પહેરવા અને કોરોનાના નિયમોનું પાલન કરવા તેમને બિનજરૂરી બહાર ના નીકળવાની અપીલ કરવામાં આવી હતી.




CM વિજય રૂપાણીએ વધુમાં જણાવ્યું કે, “મારુ ગામ કોરોના મુક્ત ગામ” અભિયાન આગામી 15મીં મે સુધી ચાલશે. જે અંતર્ગત કોઈ ગામડુ રસીકરણમાં બાકી ના રહી જાય, તેનું ગ્રામ પંચાયત ધ્યાન રાખે. આ માટે ગુજરાતના સ્થાપના દિવસે મુખ્યમંત્રીએ ગ્રામ પંચાયત, સરપંચો અને TDO-DDOને એક કમિટી બનાવવાની સલાહ આપી છે.




જણાવી દઈએ કે, કોરોના સામેની જંગમાં મહાનગરોની સાથે-સાથે નાના-નાના ગામડાઓમાં રહેલા નાગરિકો જાગૃત થાય અને સાવચેતીના પગલા અનુસરે તેવા ઉદ્દેશ્ય સાથે આ અભિયાનની શરૂઆત કરવામાં આવી છે.