કોવિડ 19 / બાળકો માટે પણ ટૂંક સમયમાં જ ઉપલબ્ધ થશે કોરોના રસી, જાણો કઈ કંપનીએ કરી જાહેરાત

કોવિડ 19 / બાળકો માટે પણ ટૂંક સમયમાં જ ઉપલબ્ધ થશે કોરોના રસી, જાણો કઈ કંપનીએ કરી જાહેરાત

નવા કોરોના સ્ટ્રેઇન દરેક ઉંમરના લોકોમાં ચેપ ફેલાવી રહ્યા છે


બાળકો અને યુવાનો પણ હવે આ સંક્રમક બીમારીનો ભોગ બની રહ્યા છે


ફાઇઝર કંપનીની રસી જૂન સુધીમાં બાળકો માટે ઉપલબ્ધ થઈ શકે છે



મહત્વનું છે કે હવે જો કે આ સ્થિતિ બદલાઈ શકે છે, જર્મન ફાર્માસ્યુટિકલ કંપની બાયોનોટેકે દાવો કર્યો છે કે તે યુરોપમાં 12 થી 15 વર્ષની વયના બાળકો માટે જૂનમાં કોરોના રસી શરૂ કરશે. નોંધનીય છે કે આ જર્મન કંપનીએ જ ફાઇઝરની સાથે જોડાઈને તેની રસી બનાવી છે.



જર્મન કંપની અને ફાઇઝરે દાવો કર્યો હતો કે તેમની રસી સુરક્ષિત છે

ફાઇઝર અને તેની સહયોગી જર્મન કંપની બાયોનોટેકે આ વર્ષે માર્ચના અંતમાં દાવો કર્યો હતો કે તેની કોવિડ -19 રસી 12 વર્ષથી વધુ વયના બાળકો માટે સંપૂર્ણપણે સલામત છે અને પુખ્ત વયના કોરાના વાયરસ રોગચાળાના પ્રભાવોને રોકવા માટે અસરકારક છે. કંપનીએ આ દાવો 12 થી 15 વર્ષની વયના 2260 અમેરિકન વૉલંટિયર્સને કોરોના રસી આપ્યા બાદ જાહેર કરેલા પ્રાથમિક ડેટાના આધારે કર્યો હતો.

બાળકોને શાળાઓમાં પાછા ફરવાની દિશામાં ફાઇઝરનો આ દાવો ખૂબ જ મહત્વપૂર્ણ માનવામાં આવી રહ્યો છે. ફાઈઝરના સીઈઓ આર્લબ બાઉર્લાએ જણાવ્યું હતું કે તેમની કંપની ટૂંક સમયમાં USFDA અને યુરોપિયન ડ્રગ રેગ્યુલેટર્સને સાથે જ 12 વર્ષથી વધુના બાળકો માટે રસીના ઉપયોગ માટે ઇમરજન્સી મંજૂરી માંગવા માટે અરજી કરશે.



ઘણી કંપનીઓ રસી બનાવી રહી છે

નોંધનીય છે કે ફાઇઝર અને બાયોનોટેક જ નહીં, પણ અડધો ડઝનથી વધુ કંપનીઓ બજારમાં બાળકો માટે કોરોના વાયરસની રસી લાવવાની હરીફાઈ કરી રહી છે. આ કંપનીઓ દાવો કરે છે કે ટૂંક સમયમાં છ મહિનાના બાળક માટે પણ કોરોના રસી બજારમાં ઉપલબ્ધ થઈ જશે. નિષ્ણાંતો માને છે કે જો આ રોગચાળાને ડામવો હોય તો બાળકોને પણ રસી આપવી જ પડશે.

અમેરિકન કંપની મોડર્ના પણ 12 થી 17 વર્ષની વયના બાળકો પર કોરોના રસીની અસરનો અભ્યાસ કરી રહી છે. સૂત્રો કહે છે કે મોડર્નાના સ્ટડીમાં જે તથ્યો બહાર આવ્યા છે તે ઘણાંજ પ્રોત્સાહન આપનારા છે. પરિણામે, USFDA એ પહેલેથી જ ફાઇઝર અને મોડર્નાને 6 વર્ષ સુધીના નવજાત શિશુ પર કોવિડ -19 ની અસરો અંગે સંશોધન કરવાની મંજૂરી આપી છે.



આ કંપનીઓ પણ છે મેદાનમાં

આ બંને કંપનીઓ સિવાય, એસ્ટ્રાઝેનેકાએ ગયા મહિને માત્ર યુકેમાં 6 થી 17 વર્ષની વયના બાળકો પર તેની રસીની અસર અંગે સંશોધન શરૂ કર્યું છે.

જહોનસન અને જોહ્ન્સનની રસીનો બાળકો પર અભ્યાસ શરૂ થવાનો છે, જ્યારે કે ચીનની સિનોવાક કંપનીએ તાજેતરમાં દાવો કર્યો હતો કે તેણે 3 વર્ષ સુધીના બાળકો માટે તેમની રસી સુરક્ષિત હોવાના અભ્યાસનો પ્રાથમિક ડેટા ચીની રેગ્યુલેટર્સને સોંપી દીધો છે.